لغتنا اليوم.

أولاً اعذروني لأني سأكتب هذا الموضوع بالعامية حتي يستطيع الكل فهمى
موضوع النهاردة هو لغتنا العربية..

الموضوع بأختيار شديد أن اللغة العربية بقت لغة مقتصرة على الكتب و الامتحانات وغيرها من أنشطة مش بنشفها كتير بمعني أصح, بقت لغة جرايد, و النهاردة بقينا نستبدلها في حياتنا اليومية بحاجات تانيه.
يعني علي سبيل المثال الواحد منا لو عايز يبعت رسالة لصاحبه اكيد مش حيستخدم العربي دا إلا لو مابيعرفش فرانكو, أو لو الشاب من دول أتعرف علي واحدة من النت لازم يعرفها أنه شاب مودرن و اكيد مش حيبقي كده لو كتب عربي.
ممكن سؤال؟ هو ايه اللي بيحصل ده؟ ليه في بلدنا اللي هي المفروض بلد عربي يحصل أن لغتنا بقت مهملة اوي كده؟ طيب ليه إحنا بقينا نبص ليها بنظرة الغرب علي أنها لغة متخلفة؟
طيب هو منظور التقدم دلوقتي بقي أنك تتكلم بلغة تانيه؟

  أنا عايز افكركم كده بفترة اسمها العصور الوسطى أو العصور السوداء. دي اللي أوروبا كانت بتعانى من ابشع صور الجهل و التأخر, و ماكنش فيه أي صور للحضارة.  طيب عارفين الحضارة كانت فين؟ 

كانت عند العرب, و بلغتهم الجميلة دي قدروا يصنعوا حضارة عاشت و استمرت سنين و كمان الغرب كان بتعلم لغتنا, و كان ولاد الأغنية عندهم بيتكلموا عربي دليل علي رقيهم, ما علينا أنا بجد نفسي اشوف شباب طالع عنده اعتزاز بلغته و بهويته مش فرحان بكام كلمة حفظهم جديد و فاكر نفسه حاجة. 

  أحب أقول لهذا الشاب و هذي الفتاة. اتلهي علي عين اللي خلفوك.