لو بطلنا نحلم... بقلم يمنى فتحي

الحياة من غير هدف متعتبرش حياة يعتبر كانك عايش بتاكل و بتشرب بس ،، انت مش موجود ... ولا ليك بصمة في حياة اي حد ملكش حاجة تصحيك كل يوم و انت متحمس و عاوز تحققها بسرعة مفيش حاجة بتزّقك لقدام لما تقع او لما يجيلك اكتئاب ،، لو حصلك حاجة تزعلك مش هتطلع من الحزن ده لانك معندكش هدف ... هتتمنى متصحاش كل يوم اساسا لان اليوم ممل و ملهوش اي لازمة ليك و ولا بيفرق معاك ايام الاسبوع يمكن ساعات بتنسى انهاردة يوم ايه ! .. هتسمح لاي يحد يقلل من شأنك و يوديك في الحتة اللي عاوزها ببساطة كل ده لانك من غير حلم من غير هدف تجري وراه او تتعب عشانه ... لما تموت مش هتبقى سبت بصمة في التاريخ مفيش غير اهلك اللي هيفتكروك بس هتبقى مجرد رقم مات و خلاص و محدش هيتأثر بيه ولا حد هيعرف مت او لا ... لانك ببساطة كانت حياتك ملهاش لازمة استنزفت الكرة الارضية بس .... انت راضي انك تموت كدة ! تموت كانك معشتش اصلا .. خلي احلامك كبيرة اكبر من اي حاجة مش مهم لو حد قلل من شانك عشان حلمك كبير اوي .. كل اللي عمل تغيير في الكرة الارضية كان بيتقال عليهم مجانين بس دلوقتي محدش يقدر يستغنى عن انجازتهم ابدااا .. كل واحد فينا جواه امكانيات و مواهب بنكمل بعض بيها مش لازم انك ناقصة حاجة يبقى انت كدة ملكش لازمة لا انت موهوب بطريقتك الخاصة موهوب بطريقة تفكيرك ... يمكن تكون موهبتك انك بتدي الناس الامل و تخليهم يضحكوا من جديد متستصغرش حاجة بتعملها لانها ممكن تكون حلمك اللي بدور عليه ممكن ديه اللي بتفرح فيها فعلااا .. دور على حلمك و عيش ليه و عافر عشانه عشان متندمش لحظة عشان تحس على الاقل انك عملت حاجة مفيدة في حياتك معندكش حاجة تخسرها قوم اتحرك و جازف بكل حاجة معاك لان حلمك و سعادتك اهم من اسي حاجة تانية اساسا مفيش اهم من حلمك و شغفك اللي ممكن يتلاشوا و ميبقوش موجودين.